Dosti bahot achhi chiz hai agar sachhi ho toh. agar aapko bhi kabhi sachhe dost nahi mile toh shayad ye Hindi poetry aapke liye relatable poetry hone wali hai.
Koi toh mera dost bane.
Koi Toh Mera Dost bane
Koi toh mujhe apna kahe
Koi toh thame hath mera
Koi toh mujhse baat kare
Koi toh suney jab baat kahun
Dil toote ke apne raaz kahun
Koi toh kare fikar meri
Koi toh puchey nirash kyun hun
Koi toh aayein shamo subah
Mere andhere se iss kamre mein
Koi toh piye chai sath mein
Aur nikal de har ek sadme se
Koi toh udaye mazak mera
Maine baal bikhere rakhein hai
Koi toh mujhe chimti kaate
Mujhe gam sab ghere rakhe hai
Koi toh lagaye gale mujhe
Mai gumsun kyun hun puch le
Koi gam khar miley jo
Aansu mere poch ley
…
Koi toh mera dost bane
Koi toh mujhe apna kahe
Koi toh thame hath mera
Koi toh mujhse baat kare
- WORDS BY KKSB
