Ek poetry diwali par kyunki bade hone ke baad se diwali ki yadein hi sath baki hai hum pahle jaisi diwali ab kaha mana pate hain sach toh ye hai ki bachpan ki diwali ki baat hi kuch aur ki diwalio bachpan mein hi achhi thi……………
Ab Diwali Bhi Diwali Nahi Lagti
Bachpan si
khwaishein dil mein nahi jagti
Ab diwali bhi yaron diwali nahi lagti
Pata nahi shayad jyada hi mature ho gaye hum
Jo tyoharon ki khushiyon mein bhi dhundh le aate hain gham
Ye patakhe ye anar aur fuljhadiyon ki roshni
Aankhe inhe dekhti hain par uss tarah nahi chamkti
Ab diwali bhi yaron diwali nahi lagti…
Han bachpan ka khawab tha magar
Iss tarah bhi pura nahi karna tha
Tyohar bhi pareshaniyon mein guzre
itna bada bhi nahi hona tha
Woh mithaiyan parivar aur
Hansi majak ki khusiyan
Har chiz hi gayab hai
jo dobara nahi milti
Ab diwali bhi yaron diwali nahi lagti..
i hope aap logo ko Diwali special ye poetry achhi lagi ho diwali quotes thoughts aur aisi hi shayari ke liye jude rahiye KKSB ke sath.
