Pyar aur emotions
Agar sachmein pyar kiya hai
Toh samjah paoge ki emotions ke bina pyar kuch hai hi nahi
Ye kabhi
jealousy ki tarah chubhte hai
Kabhi care ki tarah nikharte hai
Phoolon mein rang bharte hai
Aur aansu bankar bikhrte hai
Agar tum uski hansi dekhkar
Khud ka gham bhul nahi jate
Toh kya khak pyar karte ho tum
Agar tum uska gussa dekhkar
Pareshan nahi ho jate toh
Kya khak pyar karte ho tum
Agar jealousy tumhara dil nahi jalati
Possessiveness bich mein nahi aati
Ji bhar ke usey gale lagane ke liye nahi tadpte
Uske jhumke tumhe pyare nahi lagte
Uski khusbu dur se nahi pehchan lete
Uski baton se pareshan nahi ho jate
Uski har galati ko bhul jane ki himmat nahi rakhte
Raat raat bhar uski yadon mein nahi tadpte
Kya khak pyar karte ho tum…
